User Posts Moderator

Posts Of Moderator
until
Səhifələr: Prev 1 2 3 4 5 6 ... 12 Next
Coğrafiya
Quote
Əliyeva Aybəniz:
Sabahkı dərsim Göllər mövzusudur,dərsə hazirlaşarkən yenə dərsliklə mmv arasındakı uyunsuzluqla rastlaşdım-Öyrəndiklərinizi yoxlayın bölməsində
Bunları qeyd etməkdə məqsədim müəllifləri ittiham etmək deyil,sadəcə nəzərdən qaça bilər və gələn nəşrdə də eyni gedər .Əvvəlki qeydlərimi cavablandırdığınız üçün təşəkkürlər
Coğrafiya
Quote
Seyfullayeva Nərminə:
Xəyalə xanım salam. Siz fədakar birisiniz. Yəqin elə əmək haqqın məktəbdə qalır. Titikaka gölünın özəllikləri olmasaydı yəqin ki heç kim onun adını belə bilməzdi. Amma Cənubi Amerikada başqa göl olmadığına görə bu gölün adı məktəb coğrafiyasında çəkilir. Şagirdlərə kömək üçün bəzən özünüz də istiqamət verə bilərsiniz. Xəritələr Kartoqrafiya və Geodeziya komitəsinin məhsuludur. Onlar da maraqlıdır ki, atlas nəşr etsinlər. Sağlıq olsun görüşə bilsək sizə bu sahədə olan fikirlərimi deyərəm. Köklü dəyişiklik olmalıdır. Amma əvvəlki variantda atlasnəşr olunmasına dəyməz. Siz isə tam doğru etmisiniz. Uğurlar. Sağ olun.
Coğrafiya
Quote
Seyfullayeva Nərminə:
Hörmətli Aybəniz xanım salam. Coğrafiya dərsliyində müşahidə etdiyiniz uyğunsuzluq doğrudur. Həqiqətən də texniki qüsurdur.Biz də çapdan sonra gördük. Növbəti nəşrdə aradan qaldırılacaqdır.Diqq­ətinizə görə sağ olun.
Biologiya
Quote
Əhmədov Natiq:
SALAM HÖRMƏTLİ HƏMKARLARIM. SİZLƏRƏ BU ÇƏTİN PEŞƏNİZDƏ UĞURLAR ARZU EDİRƏM. ALLAH BİZ MÜƏLLİMLƏRİ QORUSUN VƏ BİZLƏRƏ ÇOXLU SƏBR VERSİNKİ BU KURİKULUMLU DƏRSLİKLƏRLƏ İŞLƏYİB ŞAGİRDLƏRİMİZƏ NƏİSƏ BAŞA SALA BİLƏK.VI SİNİF BİOLOGİYA DƏRSLİYİ MƏNİM XOŞUMA GƏLMƏDİ. ONA GÖRƏ Kİ DƏRSLİK CƏLB EDİCİ DEYİL. ŞƏKİLLƏR PİS ÇƏKİLİB. ÇOXLU ELMİ SƏHVLƏR VAR. ÖYRƏDİLƏN MÖVZULAR ÇOX QARIŞIQ VERİLİB.DƏRSLİKDƏ BİTKİLƏR AYRI:GÖBƏLƏKLƏRİ AYRI:BAKTERİYALARI AYRI:HEYVANLARI AYRI VERMƏK OLARDI.AMMA BU HEÇ DƏ BELƏ VERİLMƏYİB.
BU GÜNLƏRDƏ ABİTURİYENT 1 JURNALI ÇAPDAN ÇIXIB.BİZ MÜƏLLİMLƏR JURNALI ALIB MODEL TESTLƏRLƏ PROQRAMLA.V.S MARAQLANIRIQ. JURNALDA VERİLMİŞ MODEL TESTLƏR İÇİNDƏ 9-СU 13-CÜ 18-Cİ VƏ 22-Cİ
TESTLƏR UYĞUN TESTLƏR DEYİL.BU TESTLƏR NORMAL TESTLƏR DEYİL.ŞAGİRDLƏR ONLARI EDƏRKƏN BİLMİRLƏR NƏYƏ ƏSASLANSINLAR. TEST MÜƏLLİFLƏRİ BİR İZAHAT YAZSALAR PİS OLMAZ GÖRƏK HÖRMƏTLİ MÜƏLLİMLƏR NİYƏ BELƏ TESTLƏR YAZIRLAR AXI.SANKİ TEST TAPMAYIB TEST VERMƏK XATİRİNƏ BUNLARI YAZIBLAR. AMMA MƏN ƏMİNƏM Kİ REGİON MÜƏLLİMLƏRİNDƏN ÇOXLU TESTLƏR GÖNDƏRİLİR TQDK-YA. HƏMİN TESTLƏRDƏN İSTİFADƏ ETMƏK OLARDI HÖRMƏTLİ MÜƏLLİMLƏR.ALLAH SİZLƏRDƏN RAZI OLSUN.

HÖRMƏTLƏ: ŞƏKİ RAYON VƏRƏZƏT KƏND TAM ORTA MƏKTƏBİN BİOLOGİYA MÜƏLLİMİ ƏHMƏDOV NATİQ.
Coğrafiya
Quote
Veyisova Xəyalə:
Salam.Nərminə xanım.6-cı sinif dərsliyinə dair problem xəritələrlə bağlıdır.Dərslikdə fiziki xəritə verilib.Məsələn,"Göl­lər" mövzusunda tapşırıq var ki,göllərin yerləşdiyi materikləri tapın.Kitabdakı xəritədə məsələn,Titikaka gölü yoxdur,köhnə 6-cı sinif atlasında da yoxdur.Şagird tapmaqda çətinlik çəkir,mən də istəyirəm ki,şagird özü tədqiqat aparsın bunu araşdırsın,kabinetdə çoxlu atlaslar var onlar da ruscadır,verə bilmirəm.Məsələn,mən dərsi keçəndə nə etmişəm?Kitabdakı fiziki xəritəni skanerdən kecirmişəm,üzərində olmayan gölləri xəritəyə əlavə etmişəm,rəngli print edib,hər qrupa birini paylamışam ki bundan araşdırsınlar.Mən bilirəm ki,xəritələri sizlərə Kartoqrafiya institutu təqdim edir,yəqin ki üzərində dəyişiklik aparmaq olamaz.Amma mənim etdiyim də tam düzgün olmaya bilər,çünki burda miqyas məsələsi də nəzərə alınmalıdır,amma neynim ki çıxış yolunu belə tapdım.Sizcə səhv etmişəm?
Azərbaycan tarixi
Quote
Qafarov Nazim:
2008-ci il 6-cı sinif Azərbaycan tarixi dərsliyi 26-cı səhifədə yazılır:Eneolit dövründə torpaq toxa ilə yuşaldıdığından, həmin dövr əkinçiliyi ,,toxa əkinçiliyi" adlanır.
2013-cü il 6-cı sinif Azərbaycan tarixi dərsliyi 22-cı səhifədə yazılır:Neolit dövrünün insanları torpağı toxa ilə yuşaldırdılar.Belə əkinçilik toxa əkinçiliyi adlanır.
Bu cür uyğunsuzluğun səbəbi nədir?
İngilis dili
Quote
Ağayeva Elmira:
Salam,6-cı sinif ingilis dili dərsliyində (2013-cü il nəşri) səh 92-də 2-ci dialoqa aid tapşırıqda Kate-in adı 2 dəfə gedib.Orada 1-ci Tom olmalıdır ,102-ci səhifədə isə 1-ci tapşırıqda belə: I can't eat much sweet things yazılıb. Bu düzgün deyil. Thingis sayılrsa,onun qaşısında much deyil, many işlənməlidir. 103-cü səhifədə isə D)bəndində You need some thing for lunch yazılıb.Orada some thing ayri deyil, bir yerdə something yazılmalıdır.Öz fikirləimizi bildirmək üçün şərait yaratdığınıza görə sizlərə təşəkkür edirəm.
Coğrafiya
Quote
Əliyeva Aybəniz:
Salam,6-cı sinifin Coğrafiya dərsliyinidə (2013-cü il nəşri) Dünya okeanı mövzusunda Dərsdən sonra bölməsində xəritə sxemdə 2,3 nöqtələri Sicilya adası və Böyük Britanya adasında qoyulub,amma MMV-də 2-Abşeron,3-Kiçik Asiya kimi qeyd olunub.Təbiətdə suyin dövranı mövzusunda Öyrəndiklərinizi yoxlayın bölməsidə MMV-dəki eyni adlı bölmə ilə uyğun deyil. Bunun texniki səhv olduğunu düşünürəm,gələn buraxılışlarda bunu nəzərə alacağınızı düşünürəm.Bizə bu imkanı yaratdığınız üçün təşəkkürlər.
Riyaziyyat
Quote
İsmayilova Sevda:
Salam, Əlinaz müəllim! Tövsiyyələriniz maraqlıdır və onları nəzərə almaq əlbəttə ki, yaxşı olardı. Düz xətlərin 3 qarşılıqlı vəziyyəti VII sinifdə geniş araşdırılacaq və burada paralellik və hərəkət vasitəsilə bir düz xəttin digərinin üzərinə salınması (üst-üstə düşməsi) geniş izah ediləcək. VI sinif müəllim üçün vəsaitdə iki düz xəttin 3 qarşılıqlı vəziyyətinin olduğu yazıldığı halda (səhifə 148) nə üçün iki hal götürüldüyünü yazırsınız? VI sinif səviyyəsində düz xətlərin əsas 2 qarşılıqlı vəziyyəti (paralellik və kəsişmə) izah edilir. "Üst-üstə" düşmə vəziyyəti isə paralelliyin bir halı kimi şagirdlərin nəzərinə çatdırılmışdır. Yəni onların da xüsusi halda paralel olduğu nümayiş etdirilir. Lakin VII sinif səviyyəsində ikidəyişənli xətti tənliklərin qrafiklərinin qarşılıqlı vəziyyəti araşdırılarkən paralel düz xətlərin heç bir ortaq nöqtəsi olmadığı, üst-üstə düşən düz xətlərin isə sonsuz sayda ortaq nöqtəsi olduğu öyrədiləcək.
Tövsiyyələrinizə görə təşəkkür edirəm və hər zaman yeni fikirlərinizi gözləyirəm
Hörmətlə, S. İsmayılova
Riyaziyyat
Quote
Zeynalli Güləmirzə:
"Portal"ın bütün istifadəçilərinə ALLAHIN salamı olsun! Məmmədhüseyn müəllim,axşamınız xeyirli olsun! Şərhlərlə tanış olandan sonra belə fikrə gəldim ki,nöqsanlarla dolu olan "Riyaziyyat-6" dərsliyi digərlərinin yanında "toya getməli imiş". Mənə elə gəlir təhsilimizi bərbad vəziyyətə salmaqdan ötrü kim(lər)sə dərslik yazan "müəlliflər"ə "yaşıl işıq yandırmışdır".Çünki səhv olar bir dənə,iki dənə...,on dənə;səhv olar bir fənndə,iki fənndə...;daha bütün fənnlərdə yox.Səhv olar bir sinfin dərsliyində,iki sinfin-daha bütün siniflərdə yox.(İbtidai sinif "Riyaziyyat" dərliklərində 9,10 və 11 sətirli məsələlər var ki,uşaq onu oxuyub başa çatanadək təngənəfəs olur).Elə bil rəhmətlik Üzeyir Hacıbəyov bu "müəlliflər" üçün demişdi:"Rəssam şəkili elə çəkməlidir ki,altında bu "filan şeyin şəkilidir" yazmağa ehtiyac qalmasın".
İngilis dili
Quote
Ağayeva Elmira:
Əvvəla saytda olan bütün müəllimləri salamlayır və bu saytın yaradılmasında rolu olan bütün insanlara öz minnətdarlığımı bildirirəm.Axır ki,biz müəllimlərin də istər dərslik sahəsində,istərsə də dərslikdəki mövzular barəsində öz fikirlərimizi bölüşməyə,bizi maraqlandıran mövzularla əlaqəli problemləri, məsələləri müzakirə edərək həll etmək,öz münasibətimizi bildirmək imkanı əldə etmiş olduq.Mənim VI sinif ingilis dili dərsliyi (2013-cü il nəşri) ilə əlaqədar bəzi fikirlərim var.Bu dərslik şəkillər baxımından olduqca rəngarəng,maraqlı kitabdır.Amma bəzi səhifələrdə məsələn səhifə 9,15,19,21,24,96,105­,132 və s.-də şəkillər bir az tünd verilib.Məncə bu şəkillər bir az açıq rəngdə olsaydı daha yaxşı olardı. Bu kitabın müəllim üçün vəsait kitabında KSQ-I üçün test tapşırığının 7-ci tapırığında belə yazılıb:Choose the right answer:She visited to see
a)Her relatives; b)Her friend; c)Her family.Burada gedib baş çəkmək,görmək mənasında işlənən to visit felinin to see felilə yanaşı işlətmək nə dərəcədə düzgündür?Mənə elə gəli ki,orada to see felinin yeri yoxdur.
Dərsliyin 6-cı bölməsində 86-cı səhifədə "What is charity?" mövzusunda, 5-ci tapşırıqda əvvəlki dərslərdə cümlədə sözsırası ilə əlaqəli heç bir tapşırıq verilmədiyi halda, birbaşa xüsusi sual cümlələrində söz sırasına aid tapşırıq verilir.Yaxşı olardı ki,əvvəlki dərslərdə nəqli cümlə və ümumi sual cümləsində söz sırasına aid tapşırıqlar veriləydi və bu tapşırıq da onların ardı olardı. Bu dərsin 7-c- tapşırığında isə (Complete and discuss)belə bir tapşırıq var: 2.M.Aliyeva wishes all children.... Bununla bağlı dərslikdə heç bir məlumat yoxdursa o sualın qoyuluşu nə dərəcədə düzgündür? 90-cı səhifədə isə Qəhrəmanlar bugün mövzusunda M.İbrahimovun bir qəhrəman kimi öləndə 18 yaşı olduğu göstərilir.Mübarizin onda 22 yaşı vardı. Şagirdlər buna o dəqiqə reyaksiya verdilər.Mən bunun texniki,çap səhvi olduğunu soylədim və onu 22 kimi yadda saxlamağı tövsiyyə etdim.
Bundan əvvəlki sovet dövründə kitablarda bir səhv gedəndə onun aşağısında və ya kitabın sonunda həmin səhvə düzəliş verilidi.Yaxşı olardı ki,siz də bu qaydadan istifadə edəsiniz.Niyə yaxşı cəhətləri qoruyub saxlamayaq?! Administrator,
Ədəbiyyat
Quote
Yusubov Fəxrəddin:
Səmədova İlhamə,
İlhamə müəlliməni salamlayıram. Yəqin ki, "Durnalar" qoşmasında bir məqamı unutmamısınız:"Yavaş­-yavaş gedin səssiniz anlar". 6-cı sinifin "Ədəbiyyat" dərsliyi (2013-cü il nəşri) haqqında mənfi söz söyləyənlərə qarşı təzyiq və təqiblər ola bilir... Sizlər, həqiqətən də, ehtiyatı davranmalısınız. Bunu mən öz təcrübəmə əsasən deyirəm.Atalar deyib ki, "Başına gələn, başmaqçı olar". Baxmayaraq ki, ədəbiyyatın tədrisi metodikası fənnindən 20 ildən artıqdır ki, ADPU-da mühazirələr aparıram, 1998-ci ildən "Addım-addım", "Tənqidi Təfəkkürün İnkişafında Mütaliyə və Yazı", "Fəal(interaktiv)təl­im", "Fəal(interaktiv) təlimin kurikuluma tətbiqi" və s. kimi treninqlərdə iştirak etmiş, müvafiq sertifikatlar almış, 6-cı ildir ki, respublikamızın bir çox bölgələrində təlimçi kimi treninqlər aparmışam, bu vəziyyətimlə o cəsarəti öz üzərimə götər bilmirəm. Ehtiyatlı olun, İlhamə xanım. Necə ki, mən həmin dərslik komplektinin standartlara cavab vermədiyini,milli-mə­nəvi dəyərlərimizi aşılmaq imkanından tamamilə məhrum və uzaq olduğunu heç kimə bildirmirəm...
İşinizdə uğurlar. Bizim bu cür müəllimlərə çox böyük ehtiyacımız var.
Riyaziyyat
Quote
Talibov Əlinaz:
Axşamınız xeyir! VI sinif üçün "Riyaziyyat" dərslik-komplektinin həmmüəlliflərindən biri olan Sevda xanıma qeydlərimi səmimi qəbul etdiyinə görə təşəkkür edirəm. Əlbəttə, hamımızin məqsədi eynidir:- Dərsliklərimiz hər cür qüsurlardan xali olmalıdır. Əslində, dərsliklərdə hər cür qüsur dediyimiz elə "Böyük qüsur"lardır, bu isə təbii ki, yolverilməzdir.Bu qeydlərimdə, bir sıra metodiki məqamlara diqqət yetirmək istəyirəm.
Dərsliyin 111-ci səhifəsində 6 nömrəli çalışmanın şərtləri daxilində c) və d) bəndləri üçün həll variantı açıq qalır. Həmin səhifədə 9-cu çalışma etik cəhətdən qüsurludur. Təsəvvür edin ki, VI sinif şagirdi üç uşaq atasına Mustafa deyir...Əmi, dayı sözlərindən birini əlavə etmək çətin deyildi ki... Səh. 113-də 3-cü çalışma şagirdlərdə çaşqınlıq yaradır. Paralel və perpendikulyar tərəfləri soruşulan fiqurlar arasında düzbucaqlı paralelepiped də var. Məlum olduğu kimi düzbucaqlı paralelepipedin paralel və perpendikulyar tilləri vardır. Ümumiləşdirmə kimi, düzbucaqlı paralelepipedin paralel və perpendikulyar üzləri də soruşula bilərdi. Səh. 122-də 3-cü çalışmada cədvələ əsasən tərs mütənasiblik əmsalının tapılması tələb olunsa da, verilən birinci cədvəl tərs mütənasib kəmiyyətlərə uyğun deyil. Şagirdlər "Həyat bilgisi" fənnindən bilirlər ki, son məhsul xammaldan baha olur. Elə isə, səh.145-də 3-cü çalışmada şəkər tozunun qiymətinin qəndin qiymətindən baha olmasına şagirdlər onsuz da inanmaz.
Məni düşündürən bir məsələ ilə bağlı fikirlərimi də həmkarlarımla bölüşmək istəyirəm. Son illərdəki dərsliklərin çoxunda düz xətlərin qarşılıqlı vəziyyətinin iki halına baxılır(düz xətlərin qarşılıqlı vəziyyətinin iki halı az qala hökm edilir). Qeyd etdiyimiz dərslikdə də bu "iki düz xəttin ya bir ortaq nöqtəsi var, ya heç yoxdur" kimi verilir. Ancaq müəlliflər müəllim üçün vəsaitdə düz xətlərin üst-üstə düşmə halını da qeyd edir və belə bir şərh də verirlər: "Üst-üstə düşən halın paralelliklə eyni götürülməsi fikrinin şagirdlər tərəfindən izahına çalışan müəllim..."(Bax-müəl­lim üçün vəsait, səh.148)
Sadəcə olaraq aşağıdakıları bildirmək istiyirəm:
1. Paralel düz xətləri paralel köçürmə vasitəsi ilə bir-birinin üzərinə salmaq olsa da, bu düz xətlərin paralelliyi halının və üst-üstə düşmə halının eyni olması demək deyil.
2. İki paralel düz xətti üçüncü düz xətlə kəsdikdə 8, üst-üstə düşən düz xətlər isə üçüncü düz xətlə kəsişdikdə 4 bucaq əmələ gətirir.
3. Paralel düz xətlər müəyyən ikidəyişənli xətti tənlikıər sisteminin heç bir həlli olmadığı, üst-üstə düşən düz xətlər isə müəyyən ikidəyişənli xətti tənliklər sisteminin sonsuz sayda həlli olduğu hallara uyğundur. Məlumdur ki, müvafiq çoxluqlar eyni deyi... və s.
Səmimiyyətlə...
Biologiya
Quote
Hüseynov Məmmədhüseyn:
Biologiya 6. Dərsliyin ümumi quruluşu, nəzəri materialın verilməsi və yerləşdirilmə ardıcıllığı və məzmun xətti ilə bağlı bəzi tövsiyyələr.

Dərslikdə 1. Maraqoyatma (motivasiya) hissəsində mövzuya maraq oyatmaq üçün müxtəlif situasiya və hadisələrin təsvir edilməsi, motivasiyaların yaradılması və sualların yer alması planlaşdırılır.
Mən fikrimi 1-ci fəslin 1-ci mövzusunun təhlili ilə əsaslandırmaq istəyirəm.
Səh.10. Yazılıb: Yaşıl xalıya bürünmüş meşələr, gur və sakit axan çaylar,şəffaflığı ilə aynaya bənzəyən göllər, əzəmətli dağlar...- bütün bunlarvətənimizin zəngin təbiətindən xəbər verir.
Göründüyü kimi bir cümlədən ibarət bu hissədə gözəl təbiət lövhəsi təsvir edilmişdir. Sonra isə iki sual verilir:
-Təbiət nədir?
-Nə üçün insanı təbiətin bir hissəsi hesab edirlər?
Verilən cümlə( Yaşıl xalıya bürünmüş meşələr, gur və sakit axan çaylar,şəffaflığı ilə aynaya bənzəyən göllər, əzəmətli dağlar...- bütün bunlarvətənimizin zəngin təbiətindən xəbər verir.) şagirdi xəyalən təbiətin bir hissəsinə aparsada, burada motivasiya- şagirdi “düşündürən”, müxtəlif “fərziyyələr” irəli sürməyə sövq edən, bu “fəziyyə”lərdən daha düzgününü seçməyə imkan verən, biologi biliklərin əldə edilməsi və təhlilinə şərait yaradan nəsə tapmaq olmur.
Ümumiyyətlə. əgər geniş mənada dərslikdə verilən mövzuların təhlil sxeminə və ya üsullara diqqət etsək, bəzi ixtisarlara və yeniliklərə ehtiyac var. Əgər dərslik komplektinə daxil olan müəllimlərə kömək məqsədilə yazılan metodik vəsaitdə dərsin mərhələləri verilibsə və müəllim dərsi qeyd olunan mərhələlərlə qurursa, onda dərslikdə: Fəaliyyət, Öyrəndiklərinizi yoxlayın, Nə öyrəndiniz adı altında mövzunu parçalamağın nə dərəcədə əhəmiyyəti var? Qeyd edilən “sxem” üzrə mövzunun verilməsi formaca cəlb edici görünsədə, məzmunca çox zəif təsir bağışlayır. Çünki, dörd məzmun xətti ilə yazılması tələb olunan dərsiklikdə nəzəri materialın qoyulan tələblər səviyyəsində verilməsinə az yer qalır.Zənnimcə hər bir mövzu təhlil olunanda məzmun xətləri gözlənilməklə,şagird­lərin yaş səviyyəsi, neçənci sinifdə oxuması nəzərə alınmalıdır.Çünki, 6-cı sinif şagirdinə 5 il Həyat bilgisi fənni tədris olunub, onun canlı təbiət və onda baş verən bəzi bioloji proselər haqqında müəyyən məlumatı var.Bəzən çox sadə sualın qoyulması şagirdlərdə məntiqi təfəkkürün inkişafında rolu az olur. Bizə məntiqi düşünən, müstəqil “tədqiqata” meyilli, düzgün nəticə çıxaran, nəticələri ümumiləşdirməyi bacaran bugünün şagirdi sabahın mütəxəssisi lazımdır.
Səhifə 12-də yazılıb:Öyrəndikləri­mizi tətbiq edin
Verilmiş sözlərdən Azərbaycanda rast gəlinən heyvan və bitkilərin adlarını seçib cədvələ yazın:zəfəran,ağ ayı,şabalıdyarpaq palıd,dəmirağac,bana­n,anakonda,zürafə,pi­nqivin,sui­ti,feyxoa­,ancir,boabob,cüyür,­nərə balığı,vaşaq,fil,əri­k,begemot,nar.

Bitkilər Heyvanlar



Zənnimcə verilən tapşırığa əməl edən şagirddə “yaradıcı bacariq”ın inkişafından söhbət gedə bilməz.Müasir informasiya bolluğu şəraitində yaşayan 6-cı sinif şagirdi Azərbaycanda rast gəlinən heyvan və bitkilərin adlarını səhv salmaz.Cədvələ verilən bitki və heyvan adını yazmaqla şagirddə “yaradıcı bacarıq” inkişaf edəcək haqqında düşünmək yanlışdır. Şagirddə dərsə maraq oyatmaq, motivasiya qurmaq, onda müəyyən bacarıq və vərdişləri inkişaf etdirmək sinifə daxil olan müəllimin funksiyasıdır.Dərsli­k öyrənmək üçün əsas mənbələrdən biridir.Qeyd olunan dərslikdə müəlliiflər sinifdə dərs deyən müəllimin bəzi funksiyalarını üzərlərinə götürüblər.Bununlada qarşıya qoyulan əsas məqsəddən müəyyən qədər uzaqlaşıblar.
Dərslikdə, “Fəaliyyət” başlığı altında müəyyən təcrübə, laboratoriya işləri və tapşırıqlar verilir.İstənilən bir təcrübə, labaratoriya işi və tapşırıq müəllimin rəhbərliyi və nəzarəti ilə yerinə yetirilir.Qeyd olunan dərslikdə, Fəaliyyət başlığı altında müəyyən təcrübə, labaratoriya işləri və tapşırıqları müəllimlərə kömək məqsədilə yazılan və dərslik komplektinə daxil olan metodik vəsaitdə vermək olardı.Buda dərslikdə əsas materialın daha əhatəli verilməsinə imkan verərdi.Çünçi, müəlliflər həmişə dərsliklərdə çoxlu ixtisar apardıqlarını,buna həcmin imkan vermədiyi üçün məcbur olduqlarını deyirlər.Ona görədə məzmun xətləri gözlənilməklə bioloji hadisə və proseləri sadədən mürəkkəbə vermək, mövzulararası koreliyativ əlaqənin gözləmək dərslikdə gözlənilməsi zəruri olan əsas prinsiplərdəndir.
Səh.42-də yazılıb: Payızda bitkinin bəzi hissələrində dəricik örtük toxumasının digər növü olan mantarla əvəz olunur.
Şərh: Mantarlaşma payızın gəlişi ilə bağlı deyil. Ola bilər ki, bəzi hissələrində mantar qatı olan müəyyən bitkilərdə “cavan yaşlarda” mantar qatı olmasın. “Yaş” artdıqca mantar tədricən formalaşsın və qalınlaşsın.
Səh.92-də yazılıb: Bitkilər daim işığa doğru əyilir. Onların işığa doğru əyilməsinə səbəb bitkilərin işıq düşən hissəsində olan hüceyrələrin zəif, əksinə, kölgəli tərəfdə yerləşənlərin isə sürətli bölünmələridir.Kölgə­li hissədə yerləşən hüceyrələr daha çox bölündüyünə görə bura işıqlı hişşəyə nisbətən daha tez böyüyür.Bunu qaranlıqda saxlanıla bitkidə gövdənin uzanmasıda sübut edir. Bu, bitkilərdə baş verən hərəkətdir.
Şərh: “Bitki”lər ümumi bioloji anlayışdır, onları müxtəlif cəhətlərinə görə sistemləşdirmək və təsnifləşdirmək olar. Birtərəfli yanaşmaqla hər hansı prosein gedişini bütün bitkilərə şamil etmək nə dərəcədə düzdür? Məsələn, işığa münasibətinə görə: işıqsevən, kölgəsevən və kölgəyədavamlı bitkilər mövcüddür. İşıqsevən bitkilər üçün:”. Onların işığa doğru əyilməsinə səbəb bitkilərin işıq düşən hissəsində olan hüceyrələrin zəif, əksinə, kölgəli tərəfdə yerləşənlərin isə sürətli bölünmələridir.Kölgə­li hissədə yerləşən hüceyrələr daha çox bölündüyünə görə bura işıqlı hişşəyə nisbətən daha tez böyüyür” fikrin işlətmək olarmı?
Zənnimcə bununla bağlı müəyyən qədər fikirləşmək və daha konkret, yəni, ümumi yox, dəqiq “ünvanı”göstərmək daha məqsədəuyğun olardı.
Səh.95-də yazılıb: Öyrəndiklərinizi tətbiq edin
Bitkiyə torpaqdan qeyri-üzvi maddələrin ( su və mineral duzların) daxil olmasının düzgün ardıcıllığını göstərin
A) Yarpaq hüceyrələri B) Su,mineral maddələr C) Yarpaq damarları D) Əmici tellər E) Kökün damarları F) Kökün hüceyrələri G) Gövdənin boruları
Şərh: Səh.94-də yazılıb: Əmici tellərlə udulan su və mineral maddələr kökün qabıq hüceyrələrindən keçərək borucuqlara çatır. Buradan borucuqlar vasitəsilə kökün yaratdığı təzyiq altında gövdəyə ötürülür. Göründüyü kimi mətndə verilən izahla E) Kökün damarları, F) Kökün hüceyrələri sorğusu fərqlənir. Butün Biologiya ilə bağlı ədəbiyyatlarda kökdə su və onda həll olmuş mineral maddələrin kökdə borucuqlar vasitəsilə ötürülməsi güstərilir. “Kökün damarları” işlətmək elmi səhf olmasada, zənnimcə E) Kökün damarları yerinə E) Kökün borucuqları işlənsə daha məqsədəuyğun olardı. F) Kökün hüceyrələri işltmək isə şagirdi bəlkədə çaşdırmaz, amma qeyd olunan şəkildə yanaşmaq zənnimcə olmaz.Çünki, kok bir oqan kimi hüceyrəvi quruluşa malikdir. Ümumi “Kökün hüceyrələri” yazmaq yerinə zənnimcə F) Kökün qabıq hüceyrələri yazılsa daha məqsədəuyğun olardı.

Lənkəran Dövlət Universiteti
Kimya və biologiya kafedrasının müdiri
Dos.M.B.Hüseynov
Riyaziyyat
Quote
Zeynalli Güləmirzə:
Hər kəsə ALLAHIN salamı olsun. Nöqsanlarla dolu dəsliklər çapa buraxılandan sonra onu müzakirə etməkdənsə,olmazmı dərsliklərin əlyazması müzakirə olunsun? Dəslik səhvlərlə dolu-bu "müəllif(lər)in səhfi,bəs çapa məsul olan şəxlərin işi nədən ibarətdir? Bu qədər "gözyummalar" olmasaydı dövlət də külli miqdarda ziyana,müəllimlər və şagirdlər də əlavə əziyyətə düşməzdilər.Bu məsuliyyətsizliyin cavabını verən olarmı?Bundan başqa dərsliklərdə -5-6 siniflərdə "riyaziyyat",7-11 siniflərdə "cəbr","həndəsə" və "cəbr və analizin başlanğıcı" fənlərində elə mövzu yoxdur ki, "müəllif"lərin öz məhsulu olsun (nöqsanlardan başqa).Təklifim odur ki,həmin fənnlərdə "kitabın müəllif(lər)i" sözü "kitabı tərtib edən(lər)lə" və ya "tərcüməçi(lər)lə əvəz olunsun.
Riyaziyyat
Quote
Məmmədova Bəhruzə:
Mənfi və müsbət ədədlər üzərində əməllərin tam ədədlər üzərində tətbiqinə aid çalışmalar kitabda var idi və şagirdlərə bunu öyrətdik. Mənfi və müsbət ,adi və onluq kəsrlərin daxil olduğu çalışmalar 7-ci sinifdəmi tədris olunacaq?
Riyaziyyat
Quote
Rüstəmova Vüsalə:
Salam hər birinizə. Sualım "RİYAZİYYAT" dərsliyinin müəlliflərinədir. Bilirik ki,kiçik summativ qiymətləndirmə 4həftədən az,6həftədən çox olmayacaq vaxt intervalında yazdırılmalıdır. Riyaziyyat dərsinin həftədə 5 saat olduğunu nəzərə alsaq 20-30 saat aralığında summativ yazılmalıdır. Proqrama nəzər salaq:
IV bölmə-16 saat
V bölmə-12 saat
VI bölmə-16 saat
VII bölmə-10 saat
VIII bölmə-15 saat
Hər bölmənin sonunda summativ yazdırılmalıdırsa demək 4-6 həftə intervalı 5bölmədə də pozulur.
Müəllimlər planlarında nə dəyişiklik etməlidilər? Bəlkə 2 uyğun bölmə biləşdirilib 1 summativ yazdırılsın?
Coğrafiya
Quote
İskəndərova Şahsənəm:
Salam Nərminə xanım! TQDK-ya bir daha minnətdarlığımı bildirirəm ki, biz müəllimlərə bir birimizlə fikirlərimizi bölüşüb, müzakirələr aparmaq imkanı yaratmışdır. Mən sizin Vüsalə Veyisovaya “1519-cu ildə Fernan Magellan qərb istiqamətinə üzərək Hindistana dəniz yolunu kəşf etmişdir” sorğusuna aid verdiyiniz məsləhətinizə əməl edərək Avropanın tarixinə bir daha nəzər saldım. Amma Magellanın Hindistana dəniz yolunu nə şərq, nə də qərb istiqamətində üzərək kəşf etdiyinə dair məlumata rast gəlmədim. Bir çox mənbələrdə F.Magellanın 1480-cı ildə anadan olduğu yazılır. Deməli Vasko da Qama 1497-ci ildə Hindistana şərqdən dəniz yolunu kəşf edəndə Magellanın 17 yaşı var idi. Bu yaşda isə Magellanın ekspedisiya rəhbəri olub Hindistanı kəşf etməsi çox da real görünmür. Sizin də dediyiniz kimi: “ Kəşf ani hadisədir. Birdən baş verir”. Hindistana dəniz yolunu kəşf etmək də Vasko da Gamaya nəsib olmuşdur.
Magellanın Hindistanda olmasi fikirinə gəldikdə isə o, həqiqətən də 1506-1514-cü illər ərzində dəfələrlə şərq istiqamətində Afrika sahillərindən keçərək Hindistanda olmuşdur. Portuqaliya hərbi donanmasında xidmət etmişdir.
1519-cü ildə Magellan İspaniya donanması ilə qərb istiqamətində üzərək Hindistana qərbdən dəniz yolunu kəsf etmək məqsədilə səyahətə başlamışdı. Magellanın ekspedisiyası məqsədinə çatmasa da nailiyyətləri böyük olmüşdür. Magellan Filippin adalarında öldürüləndən sonra El-Kano Zond adalarının cənubundan kecərək İspaniyaya qayıtmışdır. Yəni Magellanın ekspedisiyası Hindistanda olmamışdır.
http://www.biography.com/people/ferdi...an-9395202 (Ferdinand Magellan)
http://www.ducksters.com/biography/ex...gellan.php (Magellan)
İskəndərova Şahsənəm.
Riyaziyyat
Quote
Bayramov Paşa:
Səhifə 79-da 6-cı tapşırığın c, ç və d bəndləri verilmiş tələbə uyğun deyil. Həmçinin
b) bəndinin dərsliyin sonunda verilmiş cavabında həllər çoxluğunda “–7” verilməməlidir.
ç) bəndinin cavabı {7;8;...}” əvəzinə “{...;–8;–7}”
d) bəndinin cavabı isə “{90;91;...}” əvəzinə “{91;92;...}” kimi qeyd olunmalıdır.
e) bəndinin (“2-dən böyük, 3-dən kiçik”) dərsliyin sonundakı cavabı {3;4;...} kimi verilib. Şərtdən də göründüyü kimi bu cavab səhvdir. Doğru cavab isə boş çoxluqdur.

Səhifə 81-də 13-cü tapşırığın a) bəndinin mətni belədir: “–1008-dən kiçik, –1010-dan böyük tam ədədlərin cəmini tapın.” Bu şərti ödəyən yeganə tam ədəd –1009-dur. Şərtdə isə tam ədədlərin cəmi soruşulduğundan aralıq elə seçilməli idi ki, orada ən azı iki tam ədəd olsun. Ona görə də seçilmiş aralıq düzgün verilməlidir.
Riyaziyyat
Quote
İsmayilova Sevda:
Salam Əlinaz müəllim! Siz bu məsələləri düzgün olaraq qeyd etmisiniz. 20-ci məsələnin şərtində sonda "iki dəfə çox" deyil "iki dəfə az olar" şərti yazılmalı idi. 18-i məsələ də isə 190 detal əvəzinə 257 detal olmalıdır. Təşəkkür edirəm.
Hörmətlə, S. İsmayılova
Riyaziyyat
Quote
Zeynalli Güləmirzə:
"Portal" istifadəçilərinə salam! 6-cı sinif Riyaziyyat dərsliyində,yuxarı sinif dərsliklərində, Araz kurslarının və ya TQDK-nın tərtib etdiyi test banklarında "Tənliyin həllini tapın","Bərabərsizli­yin həllərini tapın" şərtləri ilə bağlı fikrimi bildirmək istəyirəm.Burada "həll" ilə "kök" qarışdırılır.Bunu riyaziyyatçı olmayan yazsaydı onu başa düşmək olardı.Ancaq yuxarıda qeyd etdiyim mənbələrdə "həll" ilə "kök"ü qarışdırmaq kobud səhvdir.Azərbaycan dilinin qrammatikasına görə də "tənliyin kökü" isim, "həll etmək" isə fel(məsdər)-dir. Və ya misal üçün: 0.x=5 tipli; D<0 olan halda kvadrat tənliklərdə; 2sinx+3cosx=7 tipli triqonometrik tənliklər və s. üçün yazılır ki,tənliyin həlli yoxdur.Bu fikir də səhvdir.Bu növ tənliklərin (bərabərsizliklərin) xassələrini yada salaraq nə üçün kökünün olmadığını izah etməklə onu həll etmiş oluruq.Deməli,"tənli­yi həll etmək,onun kökünü tapmaq və ya kökünün olmadığını göstərmək deməkdir".
Riyaziyyat
Quote
Talibov Əlinaz:
VI sinfin "Riyaziyyat" dərsliyi ilə bağlı fikirlərimi Lənkəran şəhərindəki müzakirələr zamanı bildirmişəm. Əlavə qeydlərimi mütəmadi olaraq bildirəcəyəm.
Dərsliyin 107-ci səhifəsində 18-ci məsələdə tapılmalı cavab detalların sayıdır. Ancaq nəticə kəsr ədəd şəklində alınır. Məsələ burasındadır ki, həmin səhifədəki bütün məsələlərin cavabları sonda verilsə də, məhz bu məsələyə aid cavab verilməyib. Şübhə doğurur, deyilmi?!
Həmin səhifədə 20-ci məsələnin şərti səhv, əslində olmalı şərtə görə isə cavab düzdür. Məsələdə Sahibin həll olunmamış məsələlərinin sayının İlhamın həll olunmamış məsələlərinin sayından iki dəfə çox olması şərti verilsə də, həmin şərt daxilində məsələnin həlli olmaz. Əslində şərt kimi İlhamın həll olunmamış məsələlərinin sayının Sahibinkindən iki dəfə çox olması verilməli idi.
Coğrafiya
Quote
Veyisova Xəyalə:
Salam,Nərminə xanım.Açıqlamanız üçün təşəkkür edirəm.VI sinif yağıntı mövzusunda Azərbaycana aid olan xəritə sxemdə tapşırıq var,həmin tapşırıqda texniki səhv olub,olmalıdır 600-1000 mm yağıntı,yazılıb 6000-1000.Mən şagirdlərimə 0-ın birini sildirdim.Həmçinin iş dəftərində də bu səhv var,xahiş edirəm nəzərə alarsız növbəti nəşrlərdə.
Sizə dərin təşəkkürümü bildirirəm,iş dəftərinə görə,seminardan sonra bildim ki iş dəftərləri satışdadır,şagirdlər­ə aldırıb istifadə edirik artıq.İşimiz həm asanlaşıb,həm də şagirdlər üçün daha maraqlıdır.
Azərbaycan dili
Quote
İsmayilov Rafiq:
Yusifova Vüsalə,
Azərbaycan dili metafəndir. Bu fəndə əldə edilən bacarıqlar - dinləmə, danışma, oxu, yazı digər fənlərdə açar rolunu oynayır. Azərbaycan dili dərsindəki mətn üzərində işlə digər dərslərdəki analoji fəaliyyət arasında fərqlər var. Məqsəd, predmet fərqlidir. Digər fənlərdə məqsəd mətndəki məlumatları mənimsətməkdir. Azərbaycan dilində isə məlumatları mənimsəmək bacarığını formalaşdırmaqdır. Burada biliyin, informasiyanın yadda saxlanılması vacib deyil, onlar gələcəkdə qiymətləndirmə obyekti olmayacaq.
O ki qaldı qrammatikanın azlığına, kurikulumda dil qaydaları 6 əsas standartdan biridir (dinləmə, danışma, söz ehtiyatı, oxuyub anlama, yazı). Bu nisbətlə yanaşsaq, dil qaydalarına dərslikdə lazım olduğundan çox yer verilib. Bunun da səbəbi indiki dövrdə müəllimlərimizin digər standartlarla işləmə təcrübəsinin azlığıdır. Dil qaydaları məqsəd deyil, ədəbi dilin normalarına uyğun nitq bacarıqlarının formalaşdırılması üçün vasitədir.
Azərbaycan dili
Quote
İsmayilov Rafiq:
Salmanova Xəyalə,
Fikrimcə, rəy söyləyənlər -malı, -məli şəkilçisindən ehtiyatla istifadə etməlidirlər (“uşağa ilk növbədə qrammatika mənimsədilmelidi”). Kurikulumun konsepsiyasını dərindən qavramadan rəy bildirərkən felin vacib şəklini işlətmək opponentləri həmişə qıcıqlandırır.
Dərslik yazarkən məqsədimiz odur ki, gələcəkdə uşaqlar “bədii şeirlər”, “qrammatikanı bilmədikləri halda etməli olacaqları tələb olunan çalışmalar”, “yararlı şəxsiyyət” kimi ifadələr işlətməsinlər. Yalnız qrammatikanı öyrətməklə buna nail olmaq mümkün deyil.
Səhifələr: Prev 1 2 3 4 5 6 ... 12 Next